தெலுங்கிலும் வாசிக்கிறார் இளையராஜா

செப்டம்பர் ஒன்றாம் தேதி நீதானே என் பொன்வசந்தம் படத்தின் ஆடியோ வெளியாகிறது. இந்த விழாவில் ஹங்கேரியன் இசைக் கலைஞர்கள் மற்றும் புடாபெஸ்டை சார்ந்த இசைக் கலைஞர்கள் பங்கேற்கிறக்ர்கள்.

இளையராஜாவின் தலைமையில் இவர்கள் இசைக்கயிருக்கிறார்கள். நீதானே என் பொன்வசந்தம் பாடல்கள் மட்டுமின்றி இளையராஜாவின் காலத்தால் அழியாத காவியங்களும் இதில் அடக்கம்.

தமிழில் வெளியாகும் இப்படம் தெலுங்கிலும் வெளியாகிறது. டப்பிங் அல்ல, புதிதாகவே எடுத்திருக்கிறார்கள். அதாவது தமிழில் ஜீவா செய்த வேடத்தை தெலுங்கில் நானி செய்திருக்கிறார்.

எங்களுக்க இசைஞானியின் தாலாட்டு இல்லையா என்று ஆந்திர ரசிகர்கள் கேட்டதால் செப்டம்பர் 2 ஆம் தேதி தெலுங்கிலும் இளையராஜா தலைமையில் இசைக்குழு இசைக்கவிருக்கிறது.

ஆந்திராவில் இளையராஜாவின் லைவ் கான்சர்ட் இடம் பெறுவது இதுவே முதல்முறை.

கௌதமுக்குதான் நன்றி சொல்ல வேண்டும்.