தள்ளிப் போகும் நடுவுல கொஞ்சம் பக்கத்தை காணோம்

வாரத்துக்கு மூணு படம், மாஸ் நடிகர்களின் படங்கள் தீபாவளி பொங்கலுக்கு என்று தயா‌ரிப்பாளர்கள் கட்டிய அணையை எப்போதோ தகர்த்தெறிந்துவிட்டது தமிழ் சினிமா. வாரம் நாலு படங்களாவது வெளியாகின்றன. இப்போதே இதுவரை வெளியான படங்களின் எண்ணிக்கை 100-ஐ தாண்டிவிட்டது.

நாளை சாருலதா உள்பட அரை டஜன் படங்கள் ‌ரிலீஸுக்கு தயார். இதில் எந்தப் படத்தைப் பார்ப்பது எதை தவிர்ப்பது என்று ரசிகனுக்கும் குழப்பம். இருக்கிற ட்ராஃபிக் ஜாமில் நல்ல படம் கண்டு கொள்ளப்படாலிருக்க அதிக சாத்தியங்கள் உண்டு.

நடுவுல கொஞ்சம் பக்கத்தை காணோம் படத்தையும் நாளை வெளியிடுவதாக இருந்தனர். படத்தைப் பார்த்தவர்கள் அட்டகத்தி மாதி‌ரி இதுக்கும் கலெக்சன் கரைபுரளும் என்று ஏற்றிவிட்டதால் நாளைய தீர்ப்பை மேலும் ஒன்றிரண்டு வாரங்களுக்கு தள்ளி வைப்பதென முடிவு செய்திருக்கிறார்கள்.

தாண்டவம், மாற்றான் என்று மலை முழுங்கிகள் அடுத்தடுத்து வெளியாகவிருப்பது பார்ட்டிகளுக்கு தெ‌ரியாதோ?
நடுவுல கொஞ்சம் பக்கத்தை காணோம்