காலம் காலமாக...

ஜல்லிக்கட்டை ஏறுதழுவல் என்று முன்பு அழைத்தனர். தமிழர்களின் மரபுவழி விளையாட்டு. ஏறு என்பது காளை மாட்டை குறிப்பது. மாட்டை ஓடவிட்டு அதை மனிதர்கள் அடக்குவது அல்லது கொம்பை பிடித்து வீழ்த்துவதே ஜல்லிக்கட்டு விளையாட்டு. பொங்கல் திருநாளையொட்டி இது நடத்தப்படு கிறது. கிமு 2000ம் ஆண்டுகளிலேயே ஏறுதழுவல் வழக்கத்தில் இருந்துள்ளது. சங்க இலக்கியங்களிலும் பல இடங்களில் ஏறு தழுவல் குறித்து விளக் கப்பட்டுள்ளன. திருமணமாகாத இளைஞர் காளையை அடக்கி பெண்ணை பரிசாக பெறும் பழக்கமும் இருந்துள்ளது. கிராமிய தேவதைகளின் வழி பாட்டு நம்பிக்கையுடன் தொடர்புடையதாகவும் ஜல்லிக்கட்டு திகழ்கிறது. அம்மை உள்ளிட்ட கொடிய நோய்கள் தாக்கிய காலங்களிலும், மழை பொய் த்த கடும் வறட்சி காலங்களிலும், குழந்தை வரம் கேட்கும் நிலையிலும் காளைகளை அடக்குவதாக வேண்டிக்கொள்கின்றனர். இது நிறைவேறும் பட் சத்தில், பொங்கல் நாளில் காளைகளை அடக்குவது காலங்காலமாக நடந்து வந்துள்ளது. இதனாலேயே ஜல்லிக்கட்டுக்கு தடை என பிரச்னை வ ரும்போதெல்லாம் கிராம மக்களிடம் உணர்வு பூர்வமான எதிர்ப்பு கிளம்பிவிடுகிறது.