அமீர் ரா‌ஜினாமா - சங்கம் ஏற்க மறுப்பு

தாண்டவம் விவகாரத்தில் உதவி இயக்குனர் பொன்னுசாமிக்கு எதிராக இயக்குனர் சங்க பொதுச் செயலாளர் அமீர் செயல்பட்டார் என உதவி இயக்குனர்களில் ஒருசாரார் அமீரை குற்றம்சாற்றினார். ஆர்ப்பாட்டம் நடத்தினர். அவ‌ரின் ஒப்புதல் பெறாமல் சங்க லெட்டர் பேடில் பொன்னுசாமிக்கு ஆதரவாக கடிதமும் தந்தனர்.

இந்தக் குற்றச்சாற்றுக்கு பதில் எதுவும் தெ‌ரிவிக்காத அமீர் சங்கத்தின் கண்ணியத்தை காப்பதற்காக தனது செயலாளர் பதவியை ரா‌ஜினாமா செய்வதாக அறிவித்து ரா‌ஜினாமா கடிதமும் தந்தார். இந்த ரா‌ஜினாமா குறித்து மற்ற சங்க நிர்வாகிகள் ஆலோசித்தனர். இறுதியில் அமீ‌ரின் ரா‌ஜினாமாவை ஏற்றுக் கொள்வதில்லை என முடிவு எடுத்தனர்.

ஆனால் தான் தனது ரா‌ஜினாமா முடிவில் உறுதியாக இருப்பதாகவும், ரா‌ஜினாமா ஏற்றுக் கொள்ளப்படவில்லை என்றால் பதவி இல்லாமலே - சைனிங் அத்தா‌ரிட்டி இல்லாமல் - தொடர்ந்து சங்கத்திற்கு உழைக்க இருப்பதாகவும் அமீர் தெ‌ரிவித்துள்ளார்.

இன்னும் ஆறு மாதத்தில் இயக்குனர்கள் சங்கத்துக்கு தேர்தல் நடக்கயிருப்பது குறிப்பிடத்தக்கது.