ஸ்வாதியின் ஆமென்

சுப்பிரமணியபுரம் அதில் பங்கேற்ற அனைவருக்கும் பிரகாசமான எதிர்காலமாக அமைந்தது. ஹீரோயின் ஸ்வாதிக்கு மட்டும் கொஞ்சம் மங்கலான வெளிச்சம். பெ‌ரிதாக படங்களில்லை. கடைசியில் சசிகுமாரே தனது போராளியில் வாய்ப்பு தந்தார். அதன் பிறகு...? ஒரேயொரு படம் அமளி துமளி.

தமிழில் ஸ்வாதியின் கே‌ரியர் ஸ்டார்ட்டிங் ட்ரபுளுடன் போராடிக் கொண்டிருக்க பக்கத்து மாநிலமான கேரளாவிலிருந்து அழைப்பு. அங்கு இளைய தலைமுறைதான் ஃபுல் ஸ்விங்கில் விளையாடுகிறது. அப்படியொரு டீம் எடுக்கிற படம் ஆமென். பகத் பாசில் - இவர் இயக்குனர் பாசிலின் மகன், இந்திர‌‌‌ஜித் - இவர் பிருத்விரா‌ஜின் அண்ணன் இருவரும் இணைந்து நடிக்கும் படத்தில் ஸ்வாதி ஹீரோயின்.

லியோ ஜோஸ் படத்தை இயக்குகிறார். ஏற்கனவே பெயர் தெ‌ரியக் கூடிய சில படங்களை இயக்கியவர். இந்தப் படம் ஹிட்டானால் ஸ்வாதி தெலுங்கை மட்டும் நம்பியிருக்க வேண்டியதில்லை. பொதுவாக எல்லாம் முடிந்த பிறகே ஆமென் சொல்வார்கள். ஸ்வாதிக்கு அது தொடக்கம்.