மாற்றான் பிரமாண்ட ‌ரிலீஸ்

ரசிகர்களால் அதிகம் எதிர்பார்க்கப்பட்ட மாற்றான் இன்று பிரமாண்டமாக ‌ரி௦௦லீஸா‌கி‌யிரு‌க்‌கிறது. ஏ‌ஜிஎஸ் தயா‌ரித்திருக்கும் இந்தப் படத்தை ஈரோஸ் என்டர்டெயின்மெயிண்ட், ஜெமினி ஃபிலிம் சர்க்யூட் ஆகியவை வெளியிட்டுள்ளன.

கே.வி.ஆனந்தின் இயக்கத்தில் சுபா வசனம் எழுதியிருக்கும் இந்தப் படம் தமிழில் மாற்றான் என்ற பெய‌ரிலும் தெலுங்கில் பிரதர்ஸ் என்ற பெய‌ரிலும் வெளியாகியிருக்கிறது. நார்வேயில் இதுவரை இல்லாத அளவுக்கு அதிக திரையரங்குகள். அதேபோல் அமெ‌ரிக்காவில். மொத்தம் 63 திரையரங்குகள் என்கின்றன செய்திகள்.

தமிழ், தெலுங்கு, வெளிநாடுகள் எல்லாம் சேர்த்து 1,200க்கும் அதிகமான பி‌ரிண்ட்கள். சூர்யா படங்களில் இதுவே அதிகம். சென்னையில் எந்திரனுக்கு அடுத்து மாற்றானுக்கே அதிக திரையரங்குகள், காட்சிகள் ஒதுக்கப்பட்டுள்ளன. இதுவரை சென்னையின் ஓபனிங் வசூல் இரண்டு கோடியை மட்டுமே தாண்டியிருக்கிறது. அதுவும் சமீபமாக. அந்த சாதனையை முறியடித்து மூன்று நாட்களில் மூன்று கோடிகளை சென்னையில் மட்டும் மாற்றான் வசூலிக்கும் என உறுதியாக நம்பப்படுகிறது.