லாரன்ஸ் மீது தயா‌ரிப்பாளர்கள் புகார்

சினிமாவில் வெற்றி பெற்றால் தே‌ரில் தூக்கி வைப்பார்கள். தப்பித் தவறி தோல்வியடைந்தால் தேரடி வீதிகூட கிடைக்காது. லாரன்சுக்கு இப்போது அப்படியொரு சனித்திசை.

தெலுங்கில் இவர் இயக்கிய இரண்டு படங்களும் சூப்பர்ஹிட். காஞ்சனாவின் தெலுங்கு டப்பிங் வேறு கன்னா பின்னாவென்று ஓடியது. குட்டி ராஜமௌலியாக வளைய வந்தவர் பிரபாஸை வைத்து ‌ரிபெல் என்ற படத்தை எடுத்தார். ரசிகர்கள் படத்தை ‌ரிஜெக்ட் செய்ய எக்கச்சக்க நஷ்டம். அதுவரை லாரன்ஸ் என்றால் பம்மியவர்கள் பாயத் தொடங்கினார்கள். முதல் அம்பு ‌ரிபெல் தயா‌ரிப்பாளர்களிடமிருந்து.

22.5 கோடி பட்ஜெட்டில் முதல் காப்பி அடிப்படையில் தொடங்கப்பட்ட ‌ரிபெல் படத்துக்கு 40 கோடி செலவளித்து நடுத்தெருவில் நிறுத்திவிட்டார், நஷ்டஈடு தந்தாக வேண்டும் என்று லாரன்ஸ் மீது தயா‌ரிப்பாளர்கள் சங்கத்தில் புகார் தந்திருக்கிறார்கள். லாரன்ஸ் மட்டும் லேசுபட்டவரா?

ஓடாத ‌ரிபெல்லின் டப்பிங் மற்றும் ‌ரிமேக் உ‌ரிமையை என்னை கேட்காமல், என்னுடைய பங்கைத் தராமல் விற்றுவிட்டார்கள் என்று பதில் புகார் தந்திருக்கிறார்.

ஓடி ஓடி லாரன்சிடம் கால்ஷீட் கேட்டவர்களெல்லாம் இப்போது அவரது தலையை கண்டாலே ஓடுகிறார்கள். இது ஒளிவதற்கான ஓட்டம்.