நான்கு நாள் பின்தங்கும் போடா போடி

தீபாவளிக்கு துப்பாக்கி, போடா போடி வெளியாவது உறுதி. அம்மாவின் கைப்பேசி சென்னை மழையைப் போல, வரலாம் வராமலும் இருக்கலாம்.

நவம்பர் 13 செவ்வாய்க்கிழமை தீபாவளி. கொண்டாட்டங்கள் முந்தைய வார இறுதியில் - அதாவது 9ஆம் தேதியே தொடங்கிவிடும் வீக் எண்ட் என்பதால் தியேட்டர்களில் கூட்டம் அம்மும். இதை மனதில் வைத்து 9ஆம் தேதி துப்பாக்கியை வெளியிடுகிறார்கள். முதல்நாள் போலவே தீபாவளிக்கும் கூட்டம் நெருக்கியடிக்கும் என்பதால் துப்பாக்கியைப் பொறுத்தவரை இரண்டு ஓபனிங் கிடைத்துள்ளது.

போடா போடி ச‌ரியாக தீபாவளி அன்று 13ஆம் தேதி வெளியாகிறது. துப்பாக்கி வெளியான நான்காவது நாள்.

பாக்ஸ் ஆஃபிஸில் விஜய் படத்துடன் சிம்பு படம் போட்டிப் போட முடியாது. அது தெ‌ரிந்து, விஜய்யுடன் போட்டிப் போடுற அளவுக்கு நான் பெ‌ரிய ஆளில்லை என அட்வான்ஸாகவே பின்வாங்கியிருக்கிறார் சிம்பு.

இரண்டுப் படங்களும் நன்றாக இருக்க வேண்டும், நன்றாக ஓட வேண்டும் என்பதே நமது ஆசை.