கம்பு இனிப்பு அடை

என்னென்ன தேவை?

கம்பு மாவு - 1 கப்,
வெல்லம் - கால் கப்,
உப்பு - 1 சிட்டிகை,
எண்ணெய் அல்லது நெய் - சிறிது.
எப்படிச் செய்வது?

வெல்லத்தை சிறிது தண்ணீரில் போட்டுக் கரைத்து வடிகட்டவும். அந்தத் தண்ணீரை, கம்பு மாவில் விட்டு, உப்பு சேர்த்துப் பிசைந்து, சின்னச் சின்ன அடையாகத் தட்டி, சூடான தோசைக் கல்லில் போட்டு, சுற்றிலும் எண்ணெய் அல்லது நெய் விட்டு, இரு புறமும் வேக விட்டு எடுத்து சூடாகப் பரிமாறவும்.