விஜய்யின் 25வது பாடல்

கமலுக்கு அடுத்து அதிக படங்களில் பாடியவர் விஜய்யாகதான் இருக்கும். படத்தின் நடுவில் இது உங்கள் விஜய் பாடிய பாடல் என்று அவரது தந்தையால் பிரமோட் செய்யப்பட்டவரும் இவராகவே இருப்பார்.


கொஞ்ச நாட்கள் படங்களில் பாடாமல் இருந்தவரை ஹா‌ரிஸ் ஜெயரா‌ஜ் துப்பாக்கியில் பாட வைத்தார். கூகுள் கூகுள் என்ற அந்தப் பாடல்தான் படத்திலேயே மிகப்பெ‌ரிய ஹிட்.

ஏ.எல்.விஜய் இயக்கத்தில் விஜய் நடிக்கும் பெய‌ரிடப்படாத படத்தில் ‌ஜி.வி.பிரகாஷ் இசையில் ஒரு பாடல் விஜய் பாடுகிறார். கூகுள் கூகுள் பாடுவதற்கு முன்பே இதுபற்றி விஜய்யிடம் கேட்டுவிட்டேன் என்கிறார் ‌ஜி.வி.பிரகாஷ்.

நா.முத்துக்குமார் எழுதியிருக்கும் இந்தப் பாடலை விஜய் குரலில் விரைவில் ஒலிப்பதிவு செய்யப்பட உள்ளது. மும்பையில் பாடலை ஒலிப்பதிவு செய்ய திட்டமிட்டுள்ளனர். இந்தப் பாடல் விஜய்யின் 25வது பாடல் என்பது குறிப்பிடத்தக்கது.
விஜய் 25வது பாடல், துப்பாக்கி