முருகதாஸுக்கு வந்த தெலுங்கு ஆஃபர்

துப்பாக்கி தறிகெட்டு ஓடுகிறது. முருகதாஸின் இயக்கத்தில் நடிக்க அனைத்து ஹீரோக்களும் தயாராகவும் விருப்பமாகவும் இருக்கிறார்கள். ராஜமௌலிக்கு இணையாக இவருக்குதான் ஆஃபர்கள் குவிகின்றன.

இந்தியில் துப்பாக்கியை ‌‌ரீமேக் செய்வதுதான் முருகதாஸின் இப்போதைய பிளான். பிளான் என்ன... அடுத்த மாதம் படப்பிடிப்பே தொடங்குகிறது. ஏற்கனவே எடுத்த கதை என்பதால் நாலே மாதத்தில் தூக்கிப் போட்டு புது புராஜெக்டுக்கு முருகதாஸ் வந்துவிடுவார் என்பதால் அந்த புதிய புராஜெக்ட் தங்களுடையதாக இருக்க வேண்டும் என்ற பேராவலில் முருகதாஸை வட்டமிடுகிறார்கள். வளர்ப்பானேன்... அடுத்தப் படம் எங்களுக்கு பண்ணுங்க என்று நாலா பக்கமிருந்தும் கேட்கிறார்கள்.

தெலுங்கில் படா படா படங்களை தயாரிக்கும் அல்லு அரவிந்த் தனது பேனரில் ஒரு படம் இயக்கித் தரும்படி முருகதாஸை கேட்டிருக்கிறார். அவர் இந்த ஆஃபரை முன்வைத்திருப்பது அவரது உறவினர் பவன் கல்யாணுக்காக.

முருகதாஸ் இன்னும் தனது முடிவை சொல்லவில்லை என்பதை சொல்லவும் வேண்டுமா.
துப்பாக்கி, முருகதாஸ், தெலுங்கு படம்