சங்கீதாவுக்கு பெண் குழந்தை

நடிகை சங்கீதாவுக்கு நேற்றிரவு சென்னையில் உள்ள தனியார் மருத்துவமனையில் பெண் குழந்தை பிறந்தது.

நடிகை சங்கீதாவும், பாடகர் க்‌‌ரிஷும் காதலித்து 2009ல் திருமணம் செய்து கொண்டனர். இந்தத் திருமணத்தை ‌க்‌ரிஷின் குடும்பத்தினர் ஏற்றுக் கொள்ளவில்லை. திருமணத்தில் கலந்து கொள்ளாமல் புறக்கணித்தனர். சில நடிகைகளைப் போல திருமணத்துக்குப் பின் நடிக்க மாட்டேன் என்றெல்லாம் சொல்லாமல் தொடர்ந்து படங்களில் நடித்து வந்தார் சங்கீதா.

இந்நிலையில் அவர் கர்ப்பமாக தற்காலிகமாக சினிமாவில் நடிப்பதை நிறுத்தினார். நேற்று அவருக்கு பிரசவ வலி எடுத்ததைத் தொடர்ந்து சென்னையிலுள்ள தனியார் மருத்துவமனையில் அவரை அனுமதித்தனர். அங்கு அவருக்கு பெண் குழந்தை பிறந்தது.

தாயும் சேயும் நலமாக இருப்பதாக க்ரிஷ் தெ‌ரிவித்துள்ளார்.
சங்கீதா பெண் குழந்தை, க்ரிஷ்