விஜய் படத்திலிருந்து நாசர் நீக்கம்

இயக்குனர் தனது படத்துக்கு நடிகர்களை தேர்வு செய்யும் போது எதையெல்லாம் பார்க்க வேண்டியிருக்கிறது. ஹீரோவுக்கு பிடிக்காத நடிகர்களை மட்டுமின்றி ஹீரோவின் அப்பாவுக்கு பிடிக்காதவர்களையும் ஓரங்கட்ட வேண்டியிருக்கிறது. அப்படியொரு அவஸ்தையை சந்தித்தவர் ஏ.எல்.விஜய்.

இவர் விஜய்யை வைத்து இயக்கும் புதிய படத்தில் நாசரை முக்கியமான ஒரு வேடத்தில் கமிட் செய்தார். இது ஊடகங்களிலும் செய்தியாக வந்தது. ஆனால் எஸ்.ஏ.சந்திரசேகரனுக்கு இந்த விஷயம் லேட்டாகவே தெ‌ரிய வந்துள்ளது. தயா‌ரிப்பாளர்கள் சங்கத்தின் இரண்டு கோஷ்டிகளில் நாசரும் அவரது மனைவி கமீலாவும் எஸ்.ஏ.சி.க்கு எதிர் கோஷ்டியான இப்ராகிம் ராவுத்தர் பக்கம் நிற்கிறார்கள்.

என்னுடைய எதி‌ரி என்னுடைய மகனின் படத்திலா? லா‌ஜிக் இடிக்கிறதே என்ற எஸ்.ஏ.சி.யின் எ‌ரிச்சலுக்கு உடனடியாக பின்விளைவு. நாசர் விஜய் படத்திலிருந்து நீக்கப்பட்டுள்ளார்.

படத்தில் சகிப்புத்தன்மையை போதிக்கும், அடுத்தவர்களுக்கு அட்வைஸ் செய்யும் சிலர் திரைமறைவில் இப்படிதான் இருக்கிறார்கள்.
விஜய் படம், நாசர், எஸ்ஏசி