தமிழில் ட்‌ரிம் செய்யப்படும் டேவிட்

விக்ரம், ‌ஜீவா நடிப்பில் உருவாகியிருக்கும் டேவிட் படம் குறித்த இந்தப் புதிய தகவல் ஒரே நேரத்தில் ஆச்ச‌ரியத்தையும், ஏமாற்றத்தையும் தரக்கூடியது.

சைத்தான் படத்தை இயக்கிய பிஜாய் நம்பியார் இந்தி, தமிழில் டேவிட் படத்தை இயக்கியிருக்கிறார். மூன்று மனிதர்கள், மூன்று காலகட்டங்கள், மூன்று பின்னணிகள்... ஒரே பெயர் என இந்தியில் இப்படத்தை விளம்பரப்படுத்துகிறார்கள்.

இந்த மூன்று டேவிட்களில் ஒரு டேவிட் விக்ரம். கோவாவை சேர்ந்த மீனவன். இன்னொருவர் பாடக‌ர், மூன்றாவது ஆள் கேங்ஸ்டர். 1975ல் லண்டனில் நடக்கும் கதையில் இந்த கேங்ஸ்டர் காதாபாத்திரம் வருகிறது. நீல் நிதின் முகேஷ் நடித்துள்ளார்.

ஆனால் தமிழில் இரண்டே பேர். மீனவனாக விக்ரம், பாடகராக ‌ஜீவா. மூன்றாவது கேங்ஸ்டர் கதாபாத்திரத்தை அப்படியே தூக்கிவிட்டார்கள். இந்திக்குதான் கேங்ஸ்டர், தமிழுக்கு அது ச‌ரிவராது என பிஜாய் நம்பியார் தூக்கியிருக்கிறார்.

இதனால் இந்தியில் 2.30 மணி நேரம் ஓடும் படம் தமிழில் 2.10 மணி நேரமே ஓடும்.
டேவிட், விக்ரம், ஜீவா