சமர் உள்ளே பரதேசி வெளியே

டிசம்பர் 21ஆம் தேதி பரதேசி வெளியாகும் என அனைவரும் ஆவலுடன் எதிர்பார்த்தனர். படம் தயாராகி பாடல்களும் வெளியிடப்பட்டு சென்சாரும் முடிந்த நிலையில் படத்தின் வெளியீடை ஜனவ‌ரிக்கு தள்ளி வைத்துள்ளதாக தகவல் வெளியாகியுள்ளது. படத்தில் நடித்தவர்களுக்கும், படத்தை எதிர்பார்த்து இருந்தவர்களுக்கும் இது பெருத்த ஏமாற்றம்.

அதேநேரம் விஷாலின் சமர் டிசம்பர் 28 வெளியாகிறது. திரு இயக்கியிருக்கும் இந்த ஆக்சன் த்‌ரில்லர் விஷாலின் மார்க்கெட்டை மறுபடியும் தூக்கி நிறுத்தும் என்ற எதிர்பார்ப்பு உள்ளது. முதல்முறையாக த்‌ரிஷா விஷால் ஜோடியாக நடித்துள்ளார். முக்கியமான காட்சிகள் பாங்காங்கில் எடுக்கப்பட்டுள்ளன.

சுந்தர் சி. இயக்கத்தில் விஷால் நடித்திருக்கும் மத கஜ ராஜா பொங்கலுக்கு வெளியாவதால் அதற்கு முன்பே தொடங்கப்பட்ட சமரை டிசம்ப‌ரிலேயே வெளியிட வேண்டிய நிலை. சமர் வெளியான 14 தினங்களில் மத கஜ ராஜா வெளியாவதை விநியோகஸ்தர்கள் அவ்வளவாக விரும்பவில்லை. இதனால் ஏதாவது ஒரு படத்தின் ‌ரிலீஸ் தேதி தள்ளிப் போக வாய்ப்புள்ளது.

டிசம்பர் 21ஆம் தேதி பரதேசி, சமர் ஆகியவை பின்வாங்கியுள்ள நிலையில் சட்டம் ஒரு இருட்டறை, கள்ளத்துப்பாக்கி ஆகிய படங்கள் மட்டும் வெளியாகும் என‌த் தெ‌ரிகிறது.
பரதேசி, சமர், விஷால், த்ரிஷா, திரு