மீண்டும் ஒரு மு‌க்கோண‌க் காதல்

முற்றிலும் புதுமுகங்கள் நடிக்கும் படம் பாடும் குயில் முக்கோணக் காதலை மையமாக வைத்து தேனி, மதுரை, உசிலம்பட்டி போன்ற பகுதிகளில் வேகமாக வளர்ந்து வருகிறது. என்.ஆர்.எஸ்.பிக்சர்ஸ் சார்பாக இப்படம் தயாரிக்கப்படுகிறது.

"ஒரு பெண்ணை இரு வாலிபர்கள் காதலிப்பதால் ஏற்படும் சிக்கல்கள். இறுதி‌யில் எப்படி தீர்வுக்கு வருகிறது என்பதுதான் படத்தின் கதை. இதுவரை யாரும் சொல்லியிராத வகையில் புது மாதிரியான, அனைத்து இளைஞர்களும் ஏற்றுக் கொள்ளும் படியான க்ளைமாக்ஸை வைத்திருக்கிறோம்" என்கிறார் படத்தின் கதை, திரைக்கதை வசனம் எழுதி இயக்கும் ராசநந்தன்.

ஒளிப்பதிவு வீ. கோபி, இசை அன்புராஜ், ஆர்ட் டைரக்ச‌‌ன் தாஸ்.
பாடும் குயில், முக்கோணக் காதல்