கடுப்படித்த இயக்குனர்

தன்னைப் பற்றி வரும் கேலி கிண்டல்களையே தனக்கு சாதகமாக்கிக் கொண்டு முன்னேறிக் கொண்டிருப்பவர் பவ‌ர் ‌ஸ்டா‌ர் சீனிவாசன். அவர் மேடை ஏறினாலே ஏகப்பட்ட கரகோஷம், கைத்தட்டல்கள்.

தற்போது ‘கண்ணா லட்டு தின்ன ஆசையா’ படத்திலும், இயக்குனர் ஷங்கர் படமான 'ஐ' யிலும் நடித்து வருகிறார். சமீபத்தில் கண்ணா லட்டு தின்ன ஆசையா’ படப் பாடல் வெளியீட்டு விழாவில் பேசிய சீனிவாசன், "இயக்குனர் ஷங்கரும் என்னுடைய ரசிகர்தான். அவரே பிரியப்பட்டு என்னுடன் ஃபோட்டோ எடுக்க ஆசைப்பட்டுக் கேட்டதால் புகைப்படம் எடுத்துக் கொண்டேன்” என்று சொல்ல, மேடையில் அமர்ந்திருந்த ஷங்கர் அந்த நேரத்தில் சிரித்துவைத்தாலும், பின் பவர்ஸ்டாரை போனில் கூப்பிட்டு கடுமையாக கடுப்படித்திருக்கிறார்.

அதையும் கோபித்துக் கொள்ளாமல் தன் ட்ரேட் மார்க் புன்னகையுடன் அமைதியாக ஏற்றுக் கொண்டிருக்கிறார் டாக்டர்.
பவர் ஸ்டார் சீனிவாசன், ஷங்கர்