தெலுங்கை நம்பும் தமன்னா

நடிகை தமன்னா தற்போது இந்தியில் ’ஹிம்மத்வாலா’ என்ற படத்தில் நடித்து வருகிறார். தமிழில் அஜித்துடன் ஜோடியாக, ‘சிறுத்தை’ பட இயக்குனர் சிவா இயக்கும் படத்தில் நடிக்கவிருக்கிறார். அடுத்த ஆண்டின் தொடக்கத்தில் ஆரம்பிக்க இருக்கிறது.

அதைத் தவிர தமிழில் வேறு படங்கள் இல்லாத நிலையில், ” எனக்கு தெலுங்கில் ஏகப்பட்ட வாய்ப்புகள் வருகின்றன. அதுவும் எனக்குப் பிடித்தமான, எனக்கு அதிக முக்கியத்துவம் வாய்ந்த கேரக்டர் தருகிறார்கள். அதனால் அதிகமான கால்ஷீட் தெலுங்கிற்கே ஒதுக்குகிறேன். ஆனாலும் தமிழில் எனக்கான இடம் எப்போதும் காத்திருக்கும். இருந்தாலும், எத்தனையோ புதுமுக நடிகைகள் நடிக்க வந்திருக்கும் நிலையில், நான் யாருடனும் போட்டி போட விரும்பவில்லை'' என்கிறார் தமன்னா