திருமணத்திற்கு மூன்று வருடம்

வரும் ஏப்ரல் மாதத்தோடு 26 வயது நிறைவடையப் போகிறது நடிகை சமந்தாவுக்கு. அப்பா ஆந்திரா, அம்மா கேரளா, சமந்தா சென்னையில் பிறந்து வளர்ந்ததால் இவர் தமிழ் பொண்ணு.

மனசுக்குப் பிடித்த பையன் கிடைத்தால் திருமணம் செய்துகொள்ள சம்மதித்திருக்கிறார். ஆனால் மாப்பிள்ளை மூன்று ஆண்டுகள் காத்திருக்க வேண்டுமாம்.

படிப்பில் மிகுந்த ஆர்வம் கொண்ட இவர் சென்னை ஸ்டெல்லாமேரீஸ் கல்லூரியில் படிப்பை முடித்த கையோடு, மேல் படிப்புக்காக ஆஸ்திரேலியா பறக்க இருந்தவருக்கு நடிப்பு முட்டுக்கட்டை போட்டிருக்கிறது.

அடிக்கடி தனது இரண்டு அண்ணன்களோடு சண்டைப் போடுவதை ‘ஹாபி’ யாக வைத்திருக்கிறார். சமந்தாவின் ரசிகர்கள், நண்பர்கள் ஏகப்பட்ட ’நிக்’ வைத்து அழைத்தாலும் வீட்டில் இவரின் செல்லப் பெயர் ’சாம்’.