கார் பிரியன்

விஜய் சேதுபதியிடம் கால்ஷீட் கேட்டுப்போகும் இயக்குனர்களிடம் ‘ஸாரி பாஸ் ரெண்டு வருஷத்துக்கு தேதியில்லை’ என்று திருப்பி அனுப்புகிறார்.

அவர் தற்போது நடித்துகொண்டிருக்கும் படம் ‘பண்ணையாரும் பத்மினியும்’ அந்தப் படத்தில் 'பிரீமியர்’ பத்மனி கார் இடம்பெற்று படம் முழுக்க வருகிறது.

ஏற்கனவே கார்கள் மீது அதிக ஆர்வம் கொண்ட விஜய் சேதுபதி, அந்த பத்மினி கார் மீது மோகம் கொண்டு, படப்பிடிப்பு முடிந்ததும் காரை தனக்கு கொடுத்துவிடும்படி படத்தின் தயாரிப்பு நிறுவனமான மேஜிக் பாக்ஸிடம் கேட்க, அவர்களும் காரைத் தருவதாக கூறியதுடன் கையோடு ஒப்பந்தமும் போட்டுக் கொடுத்திருக்கிறார்கள்.

இது காமெடி கலந்த கதை என்பதால் நிச்சயம் இதுவும் தனக்கு வெற்றிப் படமாக அமையும் என்பதால் மிகவும் மகிழ்ச்சியில் இருக்கிறார் விஜய்சேதுபதி.