இந்தி - ரோபோவை முந்திய விஸ்வரூப்

விஸ்வரூபத்தின் இந்திப் பதிப்பான விஸ்வரூப் படம் ரஜினியின் ரோபோ படத்தின் முதல்நாள் வசூலை முந்தியது.

எந்திரன் படம் ரோபோ என்ற பெயரில் இந்தியில் வெளியானது. இப்படம் வெளியான முதல் நாள் 1.75 கோடியை வசூல் செய்தது. தமிழ்ப் படம் ஒன்றின் இந்திப் பதிப்பு முதல் நாளில் இவ்வளவு அதிக தொகையை வசூலித்தது இல்லை.

தற்போது விஸ்வரூபம் படத்துக்கு எழுந்த கடும் சர்ச்சை பெரிய அளவில் பப்ளிசிட்டியை தந்துள்ளது. இதன் காரணமாக இந்தியில் சென்ற வாரம் வெளியான விஸ்வரூப் முதல் நாளில் 1.89 கோடியை வசூலித்தது.

படத்துக்கு எதிர்ப்பு வரலாம் என்பதால் பல திரையரங்களில் 50 - 60 சதவீத கூட்டமே காணப்பட்டது. இது வெள்ளிக்கிழமை நிலவரம். சனி, ஞாயிறுகளில் இது அதிகரித்திருப்பதாக வடஇந்திய விநியோகஸ்தர்கள் தெரிவித்துள்ளனர்.

இதனால் விஸ்வரூப் மிகப்பெரிய வெற்றியை இந்தியில் பெறும் என்கிறார்கள்.