ராஜகுமாரனின் விஸ்வரூபம்

காமெடியா பேசுறாரா இல்லை சீரியஸாக சொல்கிறாரா... ஒரு மண்ணும் புரியவில்லை. தேவயானியின் கணவர் ராஜகுமாரன் பிரஸ்ஸுக்கு தந்திருக்கும் பிட் நியூஸ்தான் இந்த குழப்பத்துக்கு காரணம்.


நாலைந்து வருடங்களுக்கு முன் தேவயானியின் இராதே பிலிம்ஸ் தயாரிக்க ராஜகுமாரன் நாயகனாக நடிக்க திருமதி தமிழ் என்ற படம் தொடங்கப்பட்டது. கீர்த்தி சாவ்லா ஜொடி. தேவயானி வழக்கறிஞராக முக்கிய வேடத்தில் நடிப்பதாக அன்று கூறப்பட்டது.

அந்த அரத பழைய படத்தை மீண்டும் பட்டி பார்த்து தேவயானியை ஹைலைட்படுத்தி வெளியிடுகிறார் ராஜகுமாரன். கீர்த்தி சாவ்லா என்ற நடிகையையே தமிழகம் மறந்துவிட்டபடியால் தேவயானிக்கு கொஞ்சம் தூக்கலாக மேக்கப் போட்டு ரெட்டை ஜடையெல்லாம் போட்டு விளம்பரத்தில் காட்சியாக்கியிருக்கிறார்கள்.

சரி, மேட்டருக்கு வருவோம். இந்தப் படத்தை 400 க்கும் அதிகமான திரையரங்குகளில் வெளியிடுவதாகவும், படம் சூப்பர்ஹிட்டாகும் எனவும் தெரிவித்திருக்கிறார் ராஜகுமாரன்.

பவர் ஸ்டாருக்கு போட்டிக்கு ஆள் ரெடிங்கிறது சரியாதான் இருக்கு.