யுகே, யுஎஸ் விஸ்வரூபம் 3வது வார வசூல்

யுகே-யில் விஸ்வரூபம் இன்னும் நல்ல வசூலுடன் ஓடிக் கொண்டிருக்கிறது. மூன்றாவது வார இறுதியில் இதன் யுகே வசூல் 21 திரையிடல்களில் 30,231 பவுண்ட்கள்.

இதுவரை - அதாவது கடந்த ஞாயிறுவரை விஸ்வரூபத்தின் யுகே வசூல் 2,75,318 பவுண்ட்கள். நமது ரூபாய் மதிப்பில் 2.33 கோடிகள்.

கடல் படம் யுகே-யில் இரண்டாவது வார இறுதியில் நான்கு திரையிடல்களில் 3,189 பவுண்ட்கள் வசூலித்துள்ளது. கடந்த ஞாயிறுவரை இதன் யுகே வசூல் 30.2 லட்சங்கள்.

யுஎஸ்ஏ-வில் விஸ்வரூபம் மூன்றாவது வார இறுதியில் 32 திரையிடல்களில் 59,953 அமெரிக்கன் டாலர்களை வசூலித்துள்ளது. இதன் இதுவரையான யுஎஸ் வசூல் 5.38 கோடிகள்.

விஸ்வரூபம் தெலுங்கு பதிப்பு யுஎஸ்-ஸில் சென்ற வார இறுதியில் 15 திரையிடல்களில் 16,047 அமெரிக்கன் டாலர்களை வசூலித்துள்ளது. இதுவரையான அதன் வசூல் நமது ரூபாய் மதிப்பில் 1.03 கோடி.

எந்திரனுக்குப் பிறகு வெளிநாடுகளில் இப்படியொரு அபரிதமான வசூலை பெற்ற படம் விஸ்வரூபம் என்பது குறிப்பிடத்தக்கது.