ரசிகர் திருமணம் - ர‌ஜினி வந்தார்... வாழ்த்தினார்.. சென்றார்...

சாதா ஸ்டாருக்கும் சூப்பர் ஸ்டாருக்கும் உள்ள வித்தியாசமே இதுதான். ஊரே கூடி பொங்கல் வைத்து கூப்பிடும். ம்ஹும்.. வரவே மாட்டார், அது எந்த விஐபி யாக இருந்தாலும். அதே நேரம் எதிர்பார்க்காத இடத்தில் எளியவர்களின் வீட்டு விசேஷத்தில் திடீரென்று தலைக்காட்டி அப்ளாஸை அள்ளிக் கொள்வார்.

வேறோன்றுமில்லை. வேலூர் மாவட்ட ரசிகர் மன்ற பொருளாளர்; ரவியைப் பற்றி ர‌ஜினி ரசிகர்களுக்கு நன்றாகத் தெரியும். டை ஹார்ட் ஃபேன் என்பார்களே... ரவி சிறந்த உதாரணம். இவரின் தம்பி முருகனின் திருமணம் ராகவேந்திரா திருமண மண்டபத்தில் நடந்தது. வழக்கம் போல முதல் பத்தி‌ரிகையை ர‌ஜினிக்கு தந்து அழைத்திருக்கிறார்கள்.

இதுபோன்ற பொது விழாக்களில் ர‌ஜினி கலந்து கொள்வதில்லை என்பதால் தலைவருக்கு பத்தி‌ரிகை வைத்ததோடு அதனை மறந்துவிட்டனர். இங்கேதான் நிற்கிறார் சூப்பர் ஸ்டார்.

தடாலடியாக திருமணத்துக்கு வந்தவர் மணமக்களை ஆசிர்வதித்து பரிசுப் பொருள் தந்துவிட்டு மின்னல் வேகத்தில் அங்கிருந்து கிளம்பினார். ஜென்ம சாபல்யம் அடைந்த மாதி‌ரி மணமக்களும் மற்றவர்களும் இந்த திடீர் விசிட்டில் திக்குமுக்காடிப் போயினர்.

என்ன... சாதா ஸ்டாருக்கும் சூப்பர் ஸ்டாருக்குமான வித்தியாசம் பு‌ரிந்ததா? இதுக்காகவே கோச்சடையானுக்கு நாலுக்கு எட்டு கட் அவுட் வைப்பார் ரவி.