ஹைதராபாத்தில் வாலு

முதலில் தொடங்கிய வேட்டை மன்னனை ஓரங்கட்டி மீண்டும் வாலு படத்தில் பிஸியாகிவிட்டார் சிம்பு.

போடா போடியை சிம்பு தொடங்கிய போது வேட்டை மன்னன், வாலு படங்கள் லிஸ்டிலேயே இல்லை. ஒஸ்திகூட போடா போடிக்குப் பிறகு தொடங்கிய படம்தான்.

சீனியரிட்டிபடி வேட்டை மன்னன்தான் முதலில் வெளிவர வேண்டும். ஆனால் வாலுதான் அடுத்து என திட்டவட்டமாக தெரிவித்துள்ளார் சிம்பு. இரண்டு படங்களின் தயாரிப்பாளரும் ஒருவரே - எஸ்.எஸ்.சக்ரவர்த்தி - என்பதால் பிரச்சனை இல்லை.

தற்போது வாலு படத்தின் படப்பிடிப்பு ஹைதராபாத் ராமோஜிராவ் ஃபிலிம் சிட்டியில் நடந்து வருகிறது. ஹன்சிகா மோத்வானி, சந்தானம், விடிவி கணேஷ் ஆகியோர் நடிக்கிறார்கள். இதுவொரு ரொமான்டிக் காமெடி.

தமன் இசையமைக்கிறார். சமீபத்தில் இந்தப் படத்தின் ஒரேயொரு பாடல் மட்டும் வெளியிடப்பட்டது குறிப்பிடத்தக்கது.



வாலு, வேட்டை மன்னன், ஹன்சிகா, சந்தானம், சிம்பு