சூர்யா - போட்டியில் லிங்குசாமி, சசிகுமார்

வேட்டை படத்தை இந்தியில் இயக்குகிறேன் என்று ஆரம்ப ஜோரில் தெ‌ரிவித்த லிங்குசாமி இப்போது அதுபற்றி வாய் திறப்பதில்லை. தமிழில் விலைபோகாத பண்டத்தை இந்திக்காரன் வாங்க அவன் என்ன பிசினஸ் அறியாதவனா?

சூர்யாவிடம் லிங்குசாமி பல கோடி ரூபாய்க்கு பேரம் பேசியிருக்கிறார், சூர்யா இதுவரை வாங்காத பெ‌ரிய சம்பளத்தை தருவதாகக் கூறி அவ‌ரின் கால்ஷீட்டை கைப்பற்றியிருக்கிறார் என்றெல்லாம் கோடம்பாக்கம் கிசுகிசுக்கிறது. இந்நிலையில் போட்டிக்கு இன்னொருவரும் வந்திருக்கிறார். அவர் சசிகுமார்.

ஈசன் படத்துக்குப் பிறகு இயக்கத்துக்கு நீண்ட பிரேக் எடுத்துக் கொண்டவர் தனது அடுத்தப் படத்தில் தான் நடிப்பதில்லை என்ற முடிவை எடுத்திருக்கிறாராம். அவ‌ரின் சாய்ஸ் சூர்யா. கதையை சூர்யாவிடம் கூறியதாகவும் கூறுகிறார்கள்.

சிங்கம் 2-வுக்குப் பிறகு சூர்யாவின் கால்ஷீட் யாருக்கு? லிங்குசாமிக்கா இல்லை சசிகுமாருக்கா?

துப்பறியும் ஆனந்த் ஸ்கி‌ரிப்டுடன் கௌதம் வாசுதேவ மேனனும் சூர்யாவுக்காக காத்திருப்பது குறிப்பிடத்தக்கது.
சூர்யா, லிங்குசாமி, சசிகுமார்