முத்தம் வாங்கி வீணா மாலிக் சாதனை

வார இறுதியானால் தனது கவர்ச்சிப் படங்களை ‌ரிலீஸ் செய்வதுதான் வீணா மாலிக்கின் வேலை. அவ‌ரின் புதிய கவர்ச்சிப் படங்களை பார்க்கவே ஒரு பெ‌ரிய கூட்டம் இருக்கிறது. எப்படியாவது செய்திகள் இடம்பெற வேண்டும் என்ற பப்ளிசிட்டி நோக்கம்தான் வீணாவின் பாட்டம் லைன்.
FILE

நேற்று வீணாவுக்கு பிறந்தநாள். பிறந்தநாளில் யார் வேண்டுமானாலும் என்னை முத்தமிடலாம் என்று அ‌ரிய ஆஃபர் ஒன்றை வீணா மாலிக் வெளியிட்டிருந்தார். சல்மான்கானுக்கு ஒரு நிமிடத்தில் 108 குழந்தைகள் முத்தம் தந்ததுதான் உலக சாதனையாக கின்னஸில் உள்ளது.

வீணா மாலிக் இதனை நேற்று முறியடித்தார். எப்படி?

நேற்று வீணாவின் அறிவிப்பை கேட்டு குவிந்த ரசிகர்கள் வீணாவின் கன்னத்தையும் உதட்டையும் கற்பனை செய்து காத்திருக்க வீணா அவர்களிடம் தனது புறங்கையை நீட்டி முத்தமிடச் சொன்னார். பி‌ரியாணியை எதிர்பார்த்து வந்தவர்களுக்கு பி‌ரிஞ்ச் சாதத்தை பார்த்த பேரதிர்ச்சி. இருந்தாலும் தருவது வீணா மாலிக் ஆச்சே... முண்டியடித்து முத்தமிட்டு தீர்த்தார்கள். ஒரு நிமிடத்தில் 137 முத்தங்கள்.

புறங்கையை எச்சில் செய்து வீணாவுக்கு ஒரு கின்னஸ் சாதனை தந்திருக்கிறார்கள் ரசிகர்கள். இதுபோதுமே... பட்ஜெட்டில் வ‌ரி உயர்ந்தால் என்ன கவிழ்ந்தால் என்ன...