ஸ்ரீசந்தோஷி மாதா கோவில்

விருகம்பாக்கம் ஆற்காட் ரோட்டில் அமைந்திருக்கும் ஸ்ரீசந்தோஷி மாதா திருக்கோவில் மிகவும் பிரசித்திப் பெற்றதாகும். இங்கு வெள்ளை நிற பளிங்கு கல்லால் அம்மனின் சிலை அமைக்கப்பட்டுள்ளது. ஒவ்வொரு வருடமும் ஆவணி மாத பௌர்ணமி நாளன்றும், விநாயகர் சதுர்த்தியன்றும் இங்கு சிறப்பாக திருவிழா நடைபெறுகிறது.

வாரந்தோறும் வெள்ளிக்கிழமைகளிலும், பௌர்ணமி தினங்களிலும் அன்னையை நினைத்து பயபக்தியுடன் விரதமிருப்பது சகோதரயோகத்தையளிக்கும். குறிப்பாக பெண்கள் இவ்விரதத்தை மேற்கொள்வதன் மூலம் திருமண யோகம் முதலான பலன்களை அடையலாம்.

ஆதிபராசக்தியின் அம்சமான இத்தேவியை நினைத்து வெள்ளிக்கிழமைகளில் விரதமிருக்க நினைத்தக் காரியம் கைகூடும் என்பது நம்பிக்கை. இவ்வம்மனுக்கு புளிப்பில்லாமலேயே பட்சணங்கள் செய்யப்படுகின்றன.