சுக்கு காபி

என்னென்ன தேவை?

சுக்கு - 50 கிராம்,
ஏலக்காய் - 5,
வெல்லம் - 50 கிராம்,
பால் - 1 கப்.
எப்படிச் செய்வது?

சுக்கையும் ஏலக்காயையும் சேர்த்துப் பொடித்துக் கொள்ளவும். பிறகு ஒரு பாத்திரத்தில் 1 கப் தண்ணீர் விட்டு, அரைத்த பொடியில் 2 டீஸ்பூன் சேர்த்து, தேவையான அளவு வெல்லத்தையும் பொடித்துப் போட்டுக் கொதிக்க விட்டு, இறக்கி, வடிகட்டவும். மற்றொரு பாத்திரத்தில் பாலைக் காய்ச்சவும். இரண்டும் ஆறிய பிறகு ஒன்றாகக் கலந்து பரிமாறவும்.