அவல் பாயசம்

என்னென்ன தேவை?
பால் - 1 லிட்டர்,
அவல் - அரை கப்,
கன்டென்ஸ்டு மில்க் -கால் கப்,
சர்க்கரை - 1 கப்,
ஏலக்காய் தூள் - அரை டீஸ்பூன்,
நெய் - 1 டேபிள்ஸ்பூன்.

எப்படிச் செய்வது?

பாலை அடுப்பில் வைத்துக் காய்ச்சவும். அவலை சுத்தம் செய்து, கழுவி, பாலில் சேர்க்கவும். பால் வற்றி, அவல் மெத்தென வேகும் வரை, குறைந்த தீயில் வைத்துக் கொதிக்க விடவும். பிறகு சர்க்கரை சேர்த்து 5 நிமிடங்கள் கிளறவும். கன்டென்ஸ்டு மில்க் சேர்த்து கை விடாமல் கிளற வேண்டும். இல்லாவிட்டால் அடிபிடித்து விடும். சற்று நேரம் கிளறி இறக்கியதும், ஏலக்காய் தூளும் நெய்யும் சேர்க்கவும்.