வயிற்றுக்கு ஏற்ற ஜாதிக்காய்

ஜாதிக்காய், சீரகம், சுக்கு இவை மூன்றையும் தூளாக்கி வைத்துக் கொண்டு உணவிற்கு முன் ஓரிரு சிட்டிகை அளவு உட்கொண்டு வர, வயிற்றில் உள்ள வாயுவை நீக்கி ஜீரண சக்தி அதிகரிக்கும்.

ஜாதிக்காய் தூளை 2 கிராம் அளவு பாலில் கலந்து குடித்து வர பேதியை நிறுத்தும்.

ஜாதிக்காயை நீர்விட்டு உரைத்துத் தொப்புளை சுற்றிலும் பற்றுப் போட பேதி நிற்கும்.

ஜாதிக்காய், ஏலம், சுக்கு, மிளகு, திப்பிலி, இஞ்சி இவற்றை ஒன்றிரண்டாக நசுக்கி கஷாயம் வைத்து வடிகட்டி தேன் கலந்து குடித்து வர வயிற்றுப் பொருமல், செரியாமை குணமாகி நன்கு பசியெடுக்கும்.

காலரா எனப்படும் வாந்தி - பேதிக்கு, ஜாதிக்காய் தூளை 200 மில்லி நீர்விட்டு காய்ச்சி 100 மில்லியாக வற்றியதும் அடிக்கடி குடிக்க கொடுத்து வர வாந்தி - பேதி நிற்கும்.