மரத்தடி விநாயகர் வழிபாட்டு பலன்கள்

1. வில்வமரம் விநாயகர்- தெற்கு நோக்கி அமர்ந்திருக்கும் வில்வமர விநாயகரை சித்திரை நட்சத்திரத்தன்று வழிபாட்டால் பிரிந்த கணவன்-மனைவி ஒன்று சேர்வார்கள்.

2. அரசமர விநாயகர்- அரசமரத்தடியில் மேற்கு நோக்கி அமர்ந்திருக்கும் விநாயகரை பூசநட்சத்திர தினத்தன்று அன்னாபிஷேகம் செய்து வழிபட வேண்டும். இதனால் எதிர்பார்த்த பணஉதவி கிடைக்கும். பண கஷ்டங்கள் நீங்கும். பயிர்விளைச்சல் அதிகரிக்கும்.

3. ஆலமர விநாயகர்- ஆலமரத்தடியில் வடக்கு நோக்கி அமர்ந்திருக்கும் விநாயகரை ஐந்து வகை சாதம் படையலிட்டு வழிபட வேண்டும். பிறகு அந்த சாதங்களை கோவிலுக்கு வந்திருக்கும் பக்தர்களுக்கு வினியோகிக்க வேண்டும். இதனால் தீராத கடுமையான நோய்கள் குணமடையும்.

4. வேப்பமர விநாயகர்- வேப்பமரத்தடியில் கிழக்கு நோக்கி அமர்ந்திருக்கும் விநாயகரை உத்திராட்டதி நட்சத்திரத்தன்று ஐந்து வகை எண்ணெய் தீபம் ஏற்றி வழிபட்டால் விருப்பத்துக்கு ஏற்ப நல்ல கணவர் அல்லது நல்ல மனைவியுடன் திருமணம் நடைபெறும்.

5. மாமரத்து விநாயகர்- மாமரத்து அடியில் இருக்கும் விநாயகரை கேட்டை நட்சத்திரத்தன்று விபூதி காப்பீட்டு வணங்கி பெண்களுக்கு ஏதாவது தானம் செய்தால் வியாபாரம் செழிப்படையும். எதிரிகள் தொல்லை நீங்கும்.

6. புன்னைமர விநாயகர்- ஆயில்யம் நட்சத்திரத்தன்று புன்னைமர விநாயகருக்கு இளநீர் அபிஷேகம் செய்தால் தம்பதிகளிடையே ஒற்றுமை அதிகரிக்கும். ஏழை நோயாளிகளுக்கு தானம் செய்தால் தம்பதியம் சிறப்பாகும்.

7. மகிழமர விநாயகர்- மகிழமர விநாயகரை அனுஷம் நட்சத்திர தினத்தன்று மாம்பழச்சாறு அபிஷேகம் செய்தால் பில்லி-சூனியம், செய்வினை, திருஷ்டிகள் விலகும்.

8.வன்னிமர விநாயகர்- அவிட்டம் நட்சத்திரத்தினத்தன்று நெல் பொரியால் வன்னிமர விநாயகரை வழிபட்டால் தடைப்பட்ட திருமணம் நடைபெறும்