கொல்லம் கடலைக்குருமா நீங்களும் செய்யலாம்!

என்னென்ன தேவை?

கருப்புக்
கொண்டைக்கடலை -300 கிராம்
தேங்காய் -1
சோம்பு -1 டீஸ்பூன்
பச்சை மிளகாய் -2
பெரிய வெங்காயம் -2
தக்காளி - 2
தேங்காய் எண்ணெய் -தேவையான அளவு
பட்டை -தேவையான அளவு
உப்பு -தேவையான அளவு
மஞ்சள்தூள்-சிறிதளவு
கொத்தமல்லி, கறிவேப்பிலை-சிறிதளவு.
எப்படிச் செய்வது?

கொண்டைக்கடலையை முதல்நாள் இரவே ஊறவைத்துக் கொள்ளுங்கள். மறுநாள், லேசாக உப்பு சேர்த்து அவித்துக் கொள்ளுங்கள். தேங்காயை துருவி, அதோடு பச்சைமிளகாய், பாதியளவு சோம்பு சேர்த்து அரைத்துக் கொள்ளுங்கள். வெங்காயம், தக்காளியை சிறிதாக நறுக்கிக் கொள்ளுங்கள். வாணலியை அடுப்பில் வைத்து, எண்ணெய் ஊற்றி, பட்டை, சோம்பு, கறிவேப்பிலை போட்டுத் தாளித்து, தக்காளி, வெங்காயத்தைப் போட்டு வதக்குங்கள். வெங்காயம் பொன்னிறமானதும், அரைத்து வைத்துள்ள கலவையைப் போட்டு, மஞ்சள்தூள், உப்பு சேர்த்து சிறிதளவு தண்ணீர் ஊற்றி கொதிக்க விடுங்கள். கொதி வந்ததும் அவித்து வைத்துள்ள கடலையைக் கொட்டுங்கள். ஒரு கொதி வந்ததும் இறக்கிவிடுங்கள். கொல்லம் கடலைக்குருமா ரெடி.