வெஜிடபிள் சப்பாத்தி

தேவையானவை:

கோதுமை மாவு - இரண்டு கப்

துருவிய கேரட் - 1 கப்

துருவிய கோஸ் - 1 கப்

துருவிய குடமிளகாய் - 2 ஸ்பூன்

துருவிய வெங்காயம் - 2 ஸ்பூன்

துருவிய இஞ்சி - ஒரு டீஸ்பூன்

பொடியாக நறுக்கிய பச்சை மிளகாய் - ஒரு டீஸ்பூன்

எண்ணெய், உப்பு - தேவையான அளவு.


செய்முறை:

• கோதுமை மாவில் உப்பு, துருவிய காய்கறிகள், இஞ்சி, பச்சை மிளகாய்
சேர்த்து, தண்ணீர் தெளித்து, கெட்டியாகப் பிசைந்து அரை மணி நேரம் ஊற
வைக்கவும்.

• இந்த மாவில் சிறிது எடுத்து, மெல்லிய சப்பாத்தியாக இட்டு, காயும் தோசைக்கல்லில் போட்டு, எண்ணெய் தடவி சுட்டெடுக்கவும்.

• இதற்கு தொட்டு கொள்ள எதுவும் வேண்டாம். மிகவும் சத்தானது.