அஜித்தின் படப்பிடிப்பு மீண்டும் தொடக்கம்.

நடிகர் அஜித் நடித்துவரும் புதிய படத்தின் படப்பிடிப்பில் ஏற்பட்ட விபத்திற்கு பின்பு மீண்டும் படப்பிடிப்பு தொடங்கியுள்ளது. விஷ்ணுவர்த்தன் இயக்கிவரும் இப்படத்தின் படப்பிடிப்பில் விபத்து ஏற்பட்டு அதில் அஜித்திற்கு எலும்பு சிதைவு ஏற்பட்டது.

மருந்து மாத்திரைகளால் சரிசெய்ய முடியாததால் அறுவை சிகிச்சை அல்லது கடுமையான பிசியோதெரபி பயிற்சியின் மூலமே சரிசெய்ய முடியும் என்று மருத்துவர்கள் தெரிவித்தனர். ஏற்கெனவே 14 இடங்களில் அறுவை சிகிச்சை செய்துள்ள அஜித்திற்கு அறுவைசிகிச்சையில் சம்மதம் இல்லை.

அவ்வாறு அறுவை சிகிச்சை செய்தாலும் பல நாள் ஓய்வெடுக்க வேண்டியது வரும், இதனால் படப்பிடிப்பு பாதிக்கப்படும் என்று கருதினார். ஆதலால் தீவிரமான பிசியோதெரபி பயிற்சி செய்வது என்று முடிவு செய்தார். இதற்காக இளம் பயிற்சியாளர் சிவா நியமிக்கப்பட்டார்.