நார்வே திரைப்பட விழா - பிரபுசாலமனுக்கு விருது

நார்வேயில் வருடம்தோறும் நார்வே சர்வதேச தமிழ் திரைப்பட விழா நடத்தப்படுகிறது. இந்த வருடமும் நார்வே தலைநகரில் விழா நடந்தது. இதில் கலந்து கொள்ள பிரபுசாலமன், லிங்குசாமி, மணிவண்ணன் உள்பட பல நடிகர்கள், இயக்குனர்கள் நார்வே சென்றிருந்தனர்.

விழாவில் பீட்சா, வழக்கு எண், நீர்ப்பறவை, கும்கி உள்பட ஒரு டஜன் தமிழ்ப் படங்கள் திரையிடப்பட்டன. இந்தப் படங்களிலிருந்து சிறந்த இயக்குனர் விருதுக்கு பிரபுசாலமன் தேர்வு செய்யப்பட்டார். கும்கி படத்துக்காக இந்த விருது அவருக்கு அளிக்கப்பட்டது.

விருது நிகழ்ச்சியின் போது கும்கியை தயாரித்த லிங்குசாமியும் உடனிருந்தார்.