மதுரை ஐகோர்ட்டில் தொடரப்பட்ட நாஞ்சில் முருகேசன் எம்.எல்.ஏ. மீதான நில அபகரிப்பு வழக்கு வாபஸ்

நாகர்கோவில் ராமன் புதூரைச் சேர்ந்தவர் கரோலின்பிளேஸ். இவருக்கு சொந்தமான நிலம் நாகர்கோவில் புத்தேரி பகுதியில் உள்ளது. இந்த நிலத்தை நாஞ்சில் முருகேசன் எம்.எல்.ஏ. மற்றும் அவரது உறவினர்கள் அபகரித்து கொண்டதாக கரோலின் பிளேஸ் நாகர் கோவில் நில அபகரிப்பு பிரிவு போலீசாரிடம் புகார் செய்தார்.

மேலும் இது தொடர்பாக உரிய விசாரணைக்கு உத்தரவிட கோரியும் இந்த வழக்கை சி.பி.சி.ஐ.டி. போலீசார் விசாரிக்க உத்தரவிட கோரியும் மதுரை ஐகோர்ட்டில் கரோலின்பிளேஸ் மனு தாக்கல் செய்தார். இது தொடர்பான விசாரணை மதுரை ஐகோர்ட்டில் நடந்து வந்த நிலையில் கரோலின்பிளேசுடன் ஏற்பட்ட உடன்பாடு காரணமாக அவர் நாஞ்சில் முருகேசன் எம்.எல்.ஏ. மற்றும் அவரது உறவினர்கள் மீது நாகர்கோவில் நில அபகரிப்பு பிரிவு போலீசாரிடம் அளித்த புகாரை திரும்ப பெற்றார்.

மேலும் மதுரை ஐகோர்ட்டில் நடந்த வழக்கையும் இன்று அவர் வாபஸ் பெற்றுக் கொண்டார்.