பாலாவின் அவன் இவன் சூட்டிங் ஓவர்!

நான் கடவுள் படத்துக்கு பிறகு டைரக்டர் பாலா இயக்கி வந்த அவன் இவன் படத்தின் சூட்டிங் முடிந்து விட்டது. சூட்டிங்கை இழு இழுவென இழுப்பதில் பாலாவுக்கு நிகர் பாலாதான் என்று சொல்லும் அளவுக்கு இழுத்தடிப்பார் பாலா.

அண்டை மாநில இயக்குனர்களையும் அசர வைக்கும் அளவுக்கு படம் எடுத்து வரும் பாலாவின் அவன் இவன் படத்தில் விஷால், ஆர்யா ஆகிய 2 பேருமே வித்தியாசமான தோற்றத்தில் நடித்திருக்கிறார்கள். யுவன் ஷங்கர் ராஜா இசையமைக்கிறார். நந்தா படத்துக்குப் பிறகு யுவனுடன் கைகோர்க்கிறார் பாலா. இந்தப் படத்தின் நாயகியாக ஜனனி அய்யர் என்ற புதுமுகம் அறிமுகமாகிறார். ஆர்தர் வில்சன் ஒளிப்பதிவு செய்ய, ஸ்ரீகர் பிரசாத் எடிட்டிங்கை கவனிக்கிறார். நான் கடவுள் படத்தில் ஜெயமோகனுடன் கைகோர்த்த பாலா, இந்தப் படத்தில் இன்னொரு பிரபல எழுத்தாளருடன் இணைந்துள்ளார். அவர் எஸ்.ராமகிருஷ்ணன். இவர் ஏற்கெனவே பல படங்களுக்கு வசனம் எழுதியிருக்கிறார்.

வழக்கமான பாலா படமாக இந்த படம் இருக்காது என்று படத்தின் துவக்க நாளில் பாலா கூறினார். ஆனால் படத்தில் ஸ்டில்களைப் பார்த்தால் வழக்கான ஸ்டில்களாகவே தெரிகிறது. இளம் தலைமுறைக்கு புதிய செய்தி ஒன்றை இப்படத்தில் கூறியிருப்பதாக கூறியிருக்கும் பாலா, ஒருவழியாக 250 நாள் சூட்டிங்கிற்கு பிறகு பூசணிக்காய் உடைத்திருக்கிறார்.

சூட்டிங் நிறைவு நாளில் பூசணிக்காய் உடைப்பது பாலா உள்ளிட்ட சிலபல படக்குழுவினரின் சம்பிரதாயம்