விஜயகாந்துக்கு குடிபழக்கமே கிடையாது : மன்சூர் அலிகான்

ஜனாதிபதி கையில் சிறந்த குடிமகன் விருது பெற்ற அண்ணன் விஜயகாந்துக்கு குடிபழக்கமே கிடையாது என்று நடிகர் மன்சூர் அலிகான் கூறியுள்ளார். அவர் நிருபர்களுக்கு அளித்த பேட்டியில், நடிகர் வடிவேலு அரசியல் பிரசாரத்திற்கு செல்லும் இடங்களில் எல்லாம் நடிகர் விஜயகாந்தை தரக்குறைவாக பேசி வருகிறார்.

ஒரு கலைஞனை சக கலைஞனான வடிவேலு கீழ்தரமாக விமர்சித்து பேசுவது வேதனையானது. விஜயகாந்தின் குரல் எப்போதும் மெதுவாகத்தான் இருக்கும். அவர் மாதம் முழுவதும் வெளியில் அலைந்து மைக்கை பிடித்து பேசுவதால் அது போதையில் பேசுவது போல்தான் தெரியும். என்னுடைய குரலும் அப்படித்தான் இருக்கும். அண்ணன் விஜயகாந்த் குடியரசு தலைவரால் சிறந்த குடிமகன் விருது வாங்கி உள்ளார். விஜயகாந்தை எனக்கு 18 ஆண்டுகளாக தெரியும். அவர் மது அருந்துவதே இல்லை. அவருக்கு குடிபழக்கமே கிடையாது, என்று கூறியுள்ளார்.

இப்போது இப்படி கூறியிருக்கும் மன்சூர் அலிகான், முன்பு ஒருமுறை அளித்த பேட்டியில், விஜயகாந்த் ஒரு குடிகாரன்; ‌பல பெண்களை மோசம் செய்தவர். தண்ணியப் போட்டா தள்ளாட்டத்துல இந்தக் கேப்டனுக்கு ஒண்ணுமே புரியாது. அவர் முதல்வர் ஆவதற்கு தகுதி இல்லாதவர், என்று கூறியிருந்தார், என்பது குறிப்பிடத்தக்கது.