நான் பணத்தாசை பிடித்தவள் இல்லை: ஐஸ்வர்யா ராய்!

ஐஸ்வர்யாராய் கர்ப்பமாக இருந்தும் விளம்பர படங்களில் நடித்து வருகிறார். ‘ஹீரோயின்’ என்ற படத்தில் கதாநாயகியாக நடிக்கவும் ஒப்பந்தமானார். கர்ப்பமான தகவல் தெரிந்ததும் அப்படத்தில் இருந்து இயக்குநர் நீக்கி விட்டார். ஆனாலும் தொடர்ந்து விளம்பர படங்களில் நடித்து வருகிறார்.

ஐஸ்வர்யாராய் நடவடிக்கைகள் இந்தி பட உலகினரை அதிர்ச்சியூட்டி உள்ளது. பணத்தாசை பிடித்தவர் என்று விமர்சனங்கள் கிளம்பியுள்ளன. இதுபற்றிய தகவல் ஐஸ்வர்யாராய் காதுக்கு வந்ததும் எரிச்சலானார்.

கர்ப்பம் என்பது நோய் அல்ல. சினிமாவில் நடிக்க உடல் ஆரோக்கியமாக இருந்தால் போதும். நான் ஆரோக்கியமாக இருப்பதால் விளம்பர படங்களில் நடிக்கிறேன் என்றார். இதற்கிடையில் ‘ஹீரோயின்’ படத்துக்கு வாங்கிய அட்வான்ஸ் படத்துக்கான செக்கை அப்படத்தின் தயாரிப்பாளர் மதூர் பண்டாகருக்கு ஐஸ்வர்யாராய் திருப்பி அனுப்பி விட்டார்.

இதுபற்றி மதூர் பண்டார்கர் கூறும்போது,

ஐஸ்வர்யாராய்க்கு பணத்தாசை கிடையாது. எங்களிடம் வாங்கிய செக்கை திருப்பி கொடுத்ததில் இருந்து இதை புரிந்து கொள்ளலாம். அந்த பணத்தை அவர் எடுத்து இருந்தாலும் நாங்கள் கேட்டு இருக்க மாட்டோம். பணத்தாசை இல்லாததால்தான் திருப்பி அனுப்பினார் என்றார்.

புள்ளதாச்சியக்கூட விட்டு வைக்க மாட்டாங்களே…..