சமையல்:கேரட் குக்கீஸ்

தேவையான பொருட்கள்:

கோதுமை மாவு - 1 கப்
கேரட் - 5
பேக்கிங் பவுடர் - 2 டேபிள் ஸ்பூன்
சர்க்கரை - 2 கப்
வெண்ணெய் - 2 கப்
மைதா - 2 கப்
முட்டை - 1
வெனிலா - 1 டேபிள் ஸ்பூன்
உலர்ந்த திராட்சை, முந்திரி - 8
உப்பு - தேவையான அளவு
நெய் - தேவையான அளவு

செய்முறை:

கேரட்டை நன்றாக அவித்து, மசித்து வைத்துக் கொள்ளவும். சர்க்கரையையும் வெண்ணெயையும் நன்றாக கடைந்து எடுத்துக் கொள்ள வேண்டும். இதனுடன் கேரட் மசியலை சேர்க்கவும். மைதா, பேக்கிங் பவுடர், உப்பு இவற்றை நன்றாக சலித்து வைத்துக் கொள்ள வேண்டும். இதனை கேரட் கலவையுடன் கலந்து நன்றாக கடைய வேண்டும். தேவையானால் சிறிது எஸ்சென்ஸ் சேர்த்து கொள்ளலாம். பின்னர் இந்த கலவையை சிறிய டப்பாக்களிலோ அல்லது பெரிய தட்டிலோ நெய் தடவி, சிறிது இடைவெளி விட்டு ஊற்ற வேண்டும். அதன் மேற்பரப்பில் முந்திரி, திராட்சை, கிஸ்மிஸ் போன்றவற்றை தூவலாம். இதனை 10 முதல் 15 நிமிடம் வரை ஓவனில் வைத்து பேக் பண்ணவும். பின் வெளியில் எடுத்து சிறிது நேரம் ஆறிய பின் பரிமாறலாம்.