பள்ளி மாணவிக்கு ஆபாசகுறும் செய்தி அனுப்பிய ஆசிரியர்: நெஞ்சு வலியென கபட நாடகம்!

மகாராஷ்டிராவின் முலுந்த் நகரில் பள்ளிக்கூடமொன்றில் 8ம் வகுப்பு படிக்கும் மாணவி ஒருவருக்கு அப்பள்ளிக்கூட ஆசிரியர் ஆபாச குறுஞ்செய்தி அனுப்பிய பிரச்சினை பூதாகரமாக வெடித்துள்ளது.
இதையடுத்து ஆபாச குறுஞ்செய்தி அனுப்பிய அந்த ஆசிரியரை அப்பகுதி பொலிஸார் கைது செய்தனர்.

அவரிடம் நடத்திய விசாரணையில், அவர் பெயர் திவிவேதி என்றும் சம்பந்தப்பட்ட மாணவிக்கு தினசரி ஆபாச குறுஞ்செய்தியும், மின்னஞ்சலும் அனுப்பியுள்ளார் எனவும் தெரிய வந்துள்ளது.

பின்னதாக அந்த மாணவியிடம் போனில் பேசி தவறான உறவுக்கு அழைத்ததாகவும் விசாரணையில் பொலிஸ் கொமிஷனர் மகாதேவ் குந்தவதி தெரிவித்துள்ளார்.

இந்த விவகாரத்தால் கைது செய்யப்பட்ட அவர் மீது வழக்குப்பதிவு செய்யப்பட்டுள்ளது. வழக்குப்பதிவு செய்தவுடன் நெஞ்சுவலிக்கிறது என்று கூறியுள்ளார்.

தற்போது வைத்தியசாலையில் அனுமதிக்கப்பட்டிருக்கும் அவர், குணமடைந்த பின்பு கைது செய்யப்படுவார் என்று பொலிஸ் கொமிஷனர் குந்தவதி தெரிவித்துள்ளார்.