நடிகராக மாறிய ஒளிப்பதிவாளர்

ஒளிப்பதிவாளர்கள் இயக்குனராவதுதான் வழமை. நட்டு என்கிற நடரா‌ஜ் மட்டும் நடிகரானார். அவர் வழியில் பிரபல ஒளிப்பதிவாளர் ராஜேஷ் யாதவும் நடிகராகியிருக்கிறார்.

இவரை நடிகராக்கிய படம் புதுமுகங்கள் தேவை. நடிகராக அறிமுகமாகும் யாதவுக்கு ஏற்ற பெயர்.

கேமரா பின்னால் நிற்கும் போது ‌ரீடேக் எல்லாம் சர்வ சாதாரணமாகச் சொல்வேன். இப்போது நாமே நடிக்கிற போதுதான் ‌ரீடேக் போறது எவ்வளவு கஷ்டம்னு தெரியுது. ஒளிப்பதிவாளர்களுக்கு நடிக்கவும் தெ‌ரிஞ்சிருக்கணும்ங்க என்றார் நிஜமான அக்கறையுடன்.

ராஜேஷ் யாதவின் ஒளிப்பதிவுக்காக பேசப்பட்ட படம் சேரனின் பொக்கிஷம். அதேமாதிரி ராமன் தேடிய சீதை. நடிக்க வந்தாலும் ஒளிப்பதிவை மட்டும் விட்டுற மாட்டேன் என்றார்.

நமக்கும் அதுதான் வேண்டும்.
ஒளிப்பதிவாளர் நடராஜ் தமிழ் சினிமா