கடலுக்கு யு

மணிரத்னம் இயக்கியிருக்கும் கடல் படம் நேற்று சென்சார் உறுப்பினர்களுக்கு திரையிடப்பட்டது. படத்தைப் பார்த்தவர்கள் அனைவரும் பார்க்கத் தகுந்த யு சான்றிதழ் அளித்துள்ளனர்.

ராவணன் படத்துக்குப் பிறகு மணிரத்னம் இயக்கியிருக்கும் படம் கடல். நடிகர் கார்த்திக்கின் மகன் கௌதமும், நடிகை ராதாவின் மகள் துளசியும் இதில் நடித்துள்ளனர். இவர்களுடன் அர்ஜுன், அரவிந்தசாமி ஆகியோரும் உண்டு. காதல் பின்னணியில் மீனவர் பிரச்சனையை அலசும் படம். ஏ.ஆர்.ரஹ்மான் இசையமைத்துள்ளார்.

படத்தைப் பார்த்த சென்சார் உறுப்பினர்கள் எந்த கட்டும் இன்றி " யு " சான்றிதழ் தந்ததாக கூறப்படுகிறது. படம் அனேகமாக பிப்ரவ‌ரி 1ஆம் தேதி வெளியாகும் என தெரிகிறது. ஆனால் தேதி இன்னும் அதிகாரபூர்வமாக அறிவிக்கப்படவில்லை.