விஸ்வரூபம் - கமலை ஆத‌ரிக்கும் திரையுலகினர்

திரையுலகைச் சோந்த ஒரு மூத்த கலைஞரை காரணமே இல்லாமல் ஒரு கும்பல் ரவுண்ட் கட்டும்போதும்கூட கையை கட்டி பார்த்து நிற்கும் விநோதம் தமிழ் திரையுலகில்தான் நடக்கும். ஆயிரெத்தெட்டு அடாவடி சங்கங்கள் தமிழில் சினிமாவில் இருந்தும் அவருக்கு ஆதரவாக ஒரு சங்கத்தின் குரல்கூட ஒலிக்கவில்லை, அந்தளவுக்கு சுயநலம், தொடை நடுக்கம்.

அதேநேரம் சில திரை பிரபலங்கள் இணையத்தில் தங்களின் கமல் ஆதரவை தெ‌ரியப்படுத்தியிருக்கிறார்கள்.

பிரகாஷ்ரா‌ஜ் சற்று உரக்கவே தனது கமல் ஆதரவை தெ‌ரியப்படுத்தியிருக்கிறார். அவருக்குப் பிறகே பலருக்கும் தைரியம் வந்துள்ளது.

இயக்குனர் சேகர் கபூர், மனோ‌ஜ் பா‌ஜ்பாய், காயத்‌ரி ரகுராம், தயாநிதி அழகி‌ரி, பிரேம்‌ஜி அமரன், உதயநிதி ஸ்டாலின், சித்தார்த், மாதவன் என பலரும் தங்களின் கமல் ஆதரவு நிலைப்பாட்டினை தெ‌ரியப்படுத்தியுள்ளனர். இந்த லிஸ்ட் இன்று மாலைக்குள் மிக நீளமானதாக மாறும் என்ற நம்பிக்கை அனைவருக்கும் உள்ளது.