விரால் மீன் சாம்பார்

*பெரிய விரால் மீன் - 1
*துவரம் பருப்பு - ஒன்றரை ஆழாக்கு
*புளி - எலுமிச்சம் பழ அளவு
*பெரிய வெங்காயம் - 1
*பச்சை மிளகாய் - 3
*பூண்டு - 1
*நல்லெண்ணெய் - தேவையான அளவு
*மஞ்சள் தூள் - சிறிது
*கறிவேப்பிலை - சிறிதளவு
*உப்பு - தேவையான அளவு
*கடுகு - 1/2 தேக்கரண்டி
*உளுந்தம் பருப்பு - 1 தேக்கரண்டி
*பெரிய விரால் மீனை சுத்தம் செய்து குடல் நீக்கி வட்ட வட்டமாக வெட்டி தண்ணீரில் அலசி சுத்தம் செய்துகொள்ளவும்.

*அரை ஆழாக்கத் துவரம் பருப்பை இரண்டு ஆழாக்குத் தண்ணீரில் நல்லெண்ணையும் சிறிது மஞ்சள் தூளும் போட்டுக் குழை வேகவைத்து அதனை நன்றாக மசித்துக் கொள்ளவும்.

*இரண்டு ஆழாக்குத் தண்ணீரில் எலுமிச்சம்பழம் அளவு புளியும், உப்பு மூன்று தேக்கரண்டியும் போட்டு நன்றாகத் கரைத்து, மிளகாய்த்தூள் ஐந்து தேக்கரண்டி போட்டு கரைத்து வைத்துக் கொள்ளவும்.

*அடுப்பில் வாணலியை வைத்து எண்ணெய் ஊற்றி கடுகு, உளுந்தம் பருப்பு போட்டு தாளித்து, அதனுடன் பச்சை மிளகாய்த் துண்டுகள், அரிந்து வெங்காயம், நறுக்கிய பூண்டு ஒன்று போட்டு வதக்கி பின்னர் கறிவேப்பிலையும் சேர்த்த பின்னர் மீன் துண்டுகளைப் போட்டு வதக்கவும்.

*சிறிது வதங்கியதும், புளிக் கரைசலைக் கொட்டிக் கொதிக்க விடவும். அதன்பின்னர் பருப்பைக் கொட்டி கிளறிவிட்டு ஒரு கொதி வந்ததும், கொத்துமல்லி தூவி இறக்கிவிடவும்.