மதுரை மட்டன் சுக்கா வறுவல்

Mutton Chukka Varuval
மட்டன் சுக்கா வறுவல் ஒவ்வொரு ஊரிலும் ஒவ்வொரு ஸ்டைலில் சமைப்பார்கள். மதுரை மட்டன் சுக்கா ஸ்டைலின் ருசியே அலாதிதான்.

தேவையான பொருட்கள்:

எலும்பில்லாத மட்டன் – 1/2 கிலோ
சின்ன வெங்காயம் – 100 கிராம்
இஞ்சி, பூண்டு விழுது – 11/2 டீஸ்பூன்
மிளகுத்தூள் – 11/2 டீஸ்பூன்
காய்ந்த மிளகாய் – 6
மஞ்சள் தூள் -1/2 டீஸ்பூன்
கரம்மசாலா தூள் – 2 டீஸ்பூன்
சோம்பு – ஒரு டீஸ்பூன்
எண்ணெய் – 100 மில்லி
கறிவேப்பிலை – சிறிதளவு
கொத்தமல்லி இலை – 1/2 கப்
உப்பு – தேவைக்கேற்ப

மட்டன் சுக்கா செய்முறை

மட்டனை சுத்தம் செய்து சிறிய துண்டுகளாக நறுக்கவும். ப்ரசர் ஃபேனில் எண்ணெய் ஊற்றி காய்ந்த உடன் கறிவேப்பிலை சோம்பு சேர்த்து தாளிக்கவும். இத்துடன் சின்னவெங்காயம் சேர்த்து வதக்கவும். இஞ்சி, பூண்டு சேர்த்து வாசனை போகும் வரை வதக்கவும். இத்துடன் மட்டனை சேர்த்து மஞ்சள் தூள், உப்பு போட்டு கிளறவும். காய்ந்த மிளகாயை கிள்ளிப்போடவும். கரம் மசாலா தூள், சேர்த்து கிளறி மட்டன் வேகும் அளவிற்கு தண்ணீர் ஊற்றி விசில் போட்டு வேக வைக்கவும்.

5 விசில் வரை விட்டு ஆறியவுடன் திறக்கவும். இதில் மிளகு தூள் சேர்த்து எண்ணெய் பிரிந்து வரும் வரை ஸ்டவ்வை சிம்மில் வைக்கவும். கடைசியில் மல்லித்தழை தூவி இறக்கவும்.

மணக்கும் மதுரை மட்டன் சுக்கா வறுவல் ரெடி. சூடான சாதத்தில் பிசைந்து சாப்பிடலாம். ரசம் சாதத்திற்கு ஏற்ற சுவையான சைடு டிஷ் இது.