குறைந்து வரும் பறவையினம்!

பறக்கும் பறவைகளில் மிகப்பெரிய வகையை சார்ந்தது, தி கிரேட் இந்தியன் பஸ்டர்ட். ஆனால், துரதிருஷ்டவசமாக இதன் எண்ணிக்கை மிகவும் குறைந்து வருகிறது. இதற்கு காரணம் மாமிசத்துக்காக இவை கொல்லப்படுவது தான்.
ஒரு காலத்தில், கர்நாடகாவில் ஹவேரி மாவட்டத்தின் ரானே பென்னூர் பகுதியில் இவை நிறைய காணப்பட்டன. இன்று அங்கேயே அரிதாகி விட்டது. மத்திய பிரதேசத்தின் கரேரா, ராஜஸ்தானின் பாலைவன தேசிய பூங்கா மற்றும் மகாராஷ்டிராவின், தி கிரேட் இந்தியன் பஸ்டர்ட் பறவை சரணாலயம் ஆகியவற்றில் கூட இதன் எண்ணிக்கை மிகவும் குறைந்து விட்டது. இன்று மொத்தம், 300 பறவைகள் மட்டுமே உள்ளன. இதனால், தற்போது ஹவேரி மாவட்டத்தில், ரானே பென்னூர் பகுதியில், 30 ஏக்கர் நிலத்தை இதற்காகவே ஒதுக்கி, வேலி போட்டு, பாதுகாக்கப் போகின்றனர்.