எனக்கு 23 வயது. குடும்ப கஷ்டங்கள் சொல்லி மாளாது. நிறைய மனக் குழப்பம். இதனால் அடிக்கடி உடல்நலம் சரியில்லாமல் போகிறது. நான் என்ன செய்வது?

நீங்கள் என்ன படித்திருக்கிறீர்கள் என்று தெரியவில்லை. ஆனாலும், பரவாயில்லை. கஷ்டங்களை வேண்டாம் என்றால் போய்
விடாது. வாழ்க்கையில் பெரும்பாலான பிரச்னைகள் இடியாப்பச் சிக்கல் போன்றவைதான்.

கஷ்டங்கள் வரும்போது அதை முறியடிக்கும் ஒரே ஆயுதம் பொறுமை மட்டும்தான். ‘இப்போ என்ன, இதானே பிரச்னை. இதுக்கு என்ன பண்ணலாம்’ என்று யோசிக்கத் துவங்குங்கள்.

பலரிடம் யோசனை கேட்கும்போதுதான் குழப்பம் மேலிடுகிறது. கேட்கும் யோசனைகளால் குழம்பாமல் அவற்றில் ஏதாவது ஒன்றின் மூலமாவது தெளிவு கிடைக்குமா என்றுதான் பார்க்க வேண்டும்.

ஏதேனும் பணியில் ஈடுபட்டுக் கொண்டேயிருங்கள். சில சமயம் சும்மா இருந்தாலே ஏதோ நிறைய பிரச்னைகள் இருப்பதுபோல மனது கற்பனை செய்து கொள்ளும்.

வெள்ளியில் சிறிய நாகர் உருவம் வாங்கி 12 நாட்கள் அதற்கு பூ போட்டு வணங்கி வாருங்கள். பூஜை முடிவில் கந்தர் அலங்காரத்திலிருக்கும் இந்தப் பாட்டை பாடுங்கள்.

பன்னிரெண்டு நாட்கள் கழித்து முருகன் கோயில் அல்லது சிவன் கோயில் அர்ச்சகருக்கு நாகரை தானமாகக் கொடுத்திடுங்கள். எல்லா பிரச்னைகளும் மறையும்.

அப்பனே எனக்கு அமுதனே! ஆனந்தனே!
அகம்நெக அள்ளூரு தேன் ஒப்பனே!
உனக்குரிய அன்பரில் உரியனாய் - உனைப்பருக நின்ற
தோர் துப்பனே! சுடர் முடியனே!
துணையாளனே!
தொழம் பாளர் எய்ப்பினில் வைப்பவனே! எனை
வைப்பதோ சொலாய் நைய வையத்து எங்கள் மன்னனே!