200 சிலைகள் மத்தியில் இருக்கும் கோவில்

கடலூர் மாவட்டம் திட்டக்குடி அருகே உள்ள இடைச்செருவாயில் வெலிங்டன் ஏரியை ஒட்டி சப்தகன்னிகள் கோவில் அமைந்துள்ளது. 40 அடி அகலத்தில் உள்ள பிரமாண்ட பீடத்தில் 7 கன்னிகள் சிலைகளும் அமைக்கப்பட்டுள்ளன. வேண்டுதலை நிறைவேற்றினால் இங்கு சிலைகளை அமைத்து வழிபடுவது ஐதீகமாக உள்ளது.

எனவே வேண்டுதல் நிறைவேறியவர்கள் கோவிலை சுற்றி 200-க்கும் மேற்பட்ட சிலைகளை அமைத்துள்ளனர். குழந்தைவரம், திருமணம் வரம் வேண்டினால் உடனே நிறைவேறும் என்று நம்புகின்றனர்.எனவே இதற்காகவே ஏராளமான பக்தர்கள் இங்கு வருகிறார்கள். இடைச்செருவாய் மற்றும் அதை சுற்றியுள்ள கிராமங்களை சேர்ந்தவர்கள் இந்த கோவிலை குலதெய்வமாகவும் வழிபடுகிறார்கள்.

5 ஆண்டுக்கு ஒரு தடவை பெரிய அளவில் கோவிலில் விழா நடத்துகிறார்கள். அப்போது சுற்றுவட்டார பகுதிகளில் இருந்து பல்லாயிரக்கணக்காண பக்தர்கள் கோவிலுக்கு வந்து வழிபடுகிறார்கள். கோவிலில் தினமும் பூஜை வழிபபாடுகள் நடக்கினறன. அப்போது 7 சிலைகளுக்கு மட்டும் அல்லாமல் 200 சிலைகளுக்கும் பூஜை செய்கிறார்கள். இந்த கோவில் திட்டக்குடியில் இருந்து ராமநத்தம் செல்லும் வழியில் 3- வது கிலோ மீட்டர் தூரத்தில் அமைந்துள்ளது.